प्रधानमन्त्री शेरबहादुर देउवा र प्रमुख प्रतिपक्ष दलका नेता केपी शर्मा ओलीबीचको भेटवार्ता
एमसीसीले मुलुकको राजनीति पेचिलो भएकै बेला प्रधानमन्त्री शेरबहादुर देउवा र प्रमुख प्रतिपक्ष दलका नेता केपी शर्मा ओलीबीचको भेटवार्ता बाक्लिएको छ । प्रधानमन्त्री देउवा पत्नी आरजु राणासहित बालकोट पुगेर ओलीसँग भेटवार्ता गरेको एक साता नबित्दै ओली मंगलबार देउवा भेट्न बालुवाटार पुगेका हुन् ।
देउवा गत फागुन ५ गतेमात्र ओली भेट्न बालकोट पुगेका थिए । उनीहरुबीच करिव डेढ घण्टा गोप्य वार्ता भएको थियो । बालकोटमा देउवा र ओलीको भेटवार्तापछि सत्तापक्षकै विरोधकाबीच फागुन ८ गते एमसीसी संसदमा टेबल भएको थियो । यद्यपी देउवा ओली बालकोट भेटको भित्रि रहस्य अहिलेसम्म सार्वजनिक भएको छैन ।
