खोटाङको दिक्तेल बजारमा कुखुराको मासु अभाव
१ चैत, काठमाडौं । खोटाङ जिल्लामा पछिल्लो समय ब्रोइलर कुखुराको मासु अभाव भएको देखिएको छ । । ओमिक्रोनको त्रास र मङ्सिर र पुसमा दुईपटक परेको हिमपातका कारण र लामो समयसम्म वर्षा भएपछि बढेको चिसाका कारण ब्रोइलर कुखुरा उत्पादन गर्न नसक्दा मासु अभाव भएको हो ।
फार्महरूमा ब्रोइलर कुखुरा पाउन छाडेपछि जिल्लामा सञ्चालित सबै मासु बिक्री केन्द्र फ्रेस हाउसहरू अहिले बन्द रहेका छन् । दिक्तेल रुपाकोट मझुवागढी नगरपालिकाले यसअघि नगरपालिका ब्रोइलर कुखुराको मासु तथा अण्डामा आत्मनिर्भर भएको घोषणा गर्दै तराईबाट आयात हुने ब्रोइलर कुखुरा तथा अण्डामा रोक लगाएपछि दिक्तेल बजारमा अहिले मासु अभाव भएको छ ।
