काठमाडौं ८ चैत । नेपाली काँग्रेसका वरिष्ठ नेता रामचन्द्र पौडेलले एमसीसीबारे सत्यतथ्य बुझाएर काँग्रेसले जनतासँग भोट माग्नुपर्ने बताएका हुन । काँग्रेस तनहुँ क्षेत्र नं १ ले आज दमौलीमा आयोजना गरेको अन्तरक्रिया तथा प्रशिक्षण कार्यक्रममा पौडेलले एमसीसी पास गर्ने काँग्रेस हो भनेर जनतामाझ जानुपर्ने र काँग्रेसलाई जिताउन भोट माग्नुपर्ने उल्लेख गरेका छन ।

एमसीसी नेपालको विकासका निम्ति आवश्यक रहेको चर्चा गर्दै उनले भने, “काँग्रेसले एमसीसी पास गर्यो त्यही कारण काँग्रेसलाई भोट देउ भनेर जनतामाझ जानुपर्छ ।
नेपालको गरिबी अन्त्यका लागि एमसीसी परियोजना सफल हुने उल्लेख गर्दै नेता पौडेलले एमसीसीको विरोध गर्नेहरु राष्ट्रघाती भएको आरोप लगाएका छन । देश विकास गर्ने पार्टी काँग्रेस हो, देशलाई काँग्रेसले बलियो बनाउँछ पौडेलले भने, देशको भविष्य सोचेर काँग्रेसले दूरदर्शी निर्णय गरेको हो ।”