दक्षिणी चीनको पहाडमा दुर्घटनाग्रस्त भएको १३२ जना यात्रु बोकेको विमानबाट अहिलेसम्म कोही पनि जीवित व्यक्ति फेला नपारेको उद्धारकर्ताहरूले बताएका छन् । चाइना इस्टर्न फ्लाइट MU5735 किन सोमबार आकाशबाट खस्यो भन्नेबारे पनि हालसम्म कुनै जानकारी प्राप्त नभएको अधिकारीहरुको भनाइ छ ।

पर्खाइमा रहेका यात्रु र चालक दलका परिवारहरू शोकमा डुबेका छन्। सयौं उद्धारकर्मीहरूले वुझाउको ठाडो जंगली भिरालोहरूमा खोजी कार्य जारी राखेका छन्, जहाँ विमानको भग्नावशेषहरू छरिएका छन् ।

चीनको नागरिक उड्डयन प्राधिकरणले दुर्घटनाको लगभग ३६ घण्टासम्म समाचार ब्रीफिंग आयोजना नगरेका कारण हताहत बारेमा कुनै आधिकारिक शब्द थिएन।

अहिलेसम्म, खोज र उद्धार कार्यले कुनै पनि जीवित व्यक्ति फेला पारेको छैन,”सीएएका उड्डयन सुरक्षा कार्यालयका निर्देशक झु ताओले पत्रकारहरूलाई भने, ”अझै पनि दुर्घटनाको कारणको स्पष्ट भएको छैन। हाल उपलब्ध जानकारीलाई ध्यानमा राखेर मूल्यांकन गरिरहेका छौँ ।”