कलंकीमा कार दुर्घटना ६ जना घाइते
काठमाडौं १० चैत । कलंकीमा कार अनियन्त्रित भएर दुर्घटना हुँदा ६ जना घाइते भएका हुन । कालिमाटीबाट कलंकी चोकतिर जाँदै गरेको बा.५ च.५४४० नम्बरको कार अनियन्त्रित भएर रोकेर राखेको स्कुटर र मोटरसाइकललाई ठक्कर दिएको महानगरीय ट्राफिक प्रहरी महाशाखा एसपी संजीव शर्माले बताएका छन ।
दुर्घटनामा परेर कार चालकसहित ६ जना घाइते भएका छन । कार चालकको बल्खुस्थित वयोधा अस्पतालमा र अरुको कलंकीस्थित शहीद मेमोरियल अस्पतालमा उपचार भइरहेको छ ।
