ललितपुरको लुभुमा कारको ठक्करबाट दुई वर्षीय बालकको मृत्यु
काठमाडौं २४ चैत । ललितपुरको लुभुमा कारको ठक्करबाट दुई वर्षीय बालकको मृत्यु भएको छ।
हिजो साँझ ६ बजे लुभुमा कारको ठक्करबाट दुई वर्षीय बालकको मृत्यु भएको महानगरीय प्रहरी परिसरका प्रहरी उपरीक्षक शिद्दीबिक्रम शाहले जानकारी दिए।
महालक्ष्मी नगरपालिका ८ बिसुन्डोलबाट लुभु हुँदै लामाटार तर्फ जाँदै गरेको बा १६ च ३६८७ नम्बरको कारले बालकलाई ठक्कर दिएको हो।
ठक्करबाट रामेछाप मन्थली नगरपालिका९ घर भई लुभुकै सेराफाँटमा टहरामा बस्दै आएका दुई वर्षीय आर्यन पुरी घाइते भएका थिए।
उपचारको क्रममा उनको मृत्यु भएको हो।
