गभर्नरमाथिको कार्बाहीको बचाउ शेरबहादुर देउवा
काठमाडौं २८ चैत । प्रधानमन्त्री शेरबहादुर देउवाले नेपाल राष्ट्र बैंकका गभर्नर महाप्रसाद अधिकारीमाथि गरिएको निलम्बनबारे बोलेका छन्। आज बालुवाटारमा बसेको सत्ता गठबन्धनको बैठकमा देउवाले गभर्नर अधिकारीमाथि गरिएको निलम्बन सकारात्मक भएको बताए।
कांग्रेस महामन्त्री गगनकुमार थापासहितले गभर्नरमाथिको कारबाहीबारे राखेको जिज्ञासामा प्रधानमन्त्री देउवाले अर्थमन्त्रीको बचाउ गरेको देखिएको हो।
तत्कालीन केपी शर्मा ओली सरकारले गभर्नर अधिकारीलाई नियुक्त गरेका थिए।
। सरकारले गभर्नर अधिकारीमाथि विलासी वस्तु आयात रोक्नेलगायत नीतिगत निर्णय गर्नुअघि सूचना चुहाएको, बैंकिङ प्रणालीमा हानिनोक्सानी पुर्याएको, खराब आचरण गरेकोजस्ता आरोप लगाएको छ।
