जुम्लाको तातोपानीमा भ्यान दुर्घटना हुँदा १० जना घाइते
काठमाडौ २९ चैत । जुम्लाको तातोपानी गाउँपालिका २ बाबिरामा भ्यान दुर्घटना हुँदा १० जना घाइते भएका छन् । जिल्ला प्रहरी कार्यालय जुम्लाका डिएसपी नरेन्द्र चन्दले सदरमुकाम खलंगाबाट कालिकोटको नाग्मका लागि छुटेको भे १ ज १२२० नम्बरको जिप दुर्घटना भएको जानकारी दिए । उनका अनुसार भ्यानमा १० जना यात्रु थिए ।
घाइतेलाई कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा ल्याइँदैछ । केही सामान्य घाइते छन् । केही यात्रुलाई गम्भीर चोट लागेको देखिएको छ ।
तीव्र गतिमा आएको भ्यान सिधै सडकबाट खोलामा गएको स्थानीय लोकबहादुर दमाइले जानकारी दिए ।
