पौडी खेल्ने क्रममा खोलामा डुब्दा एक बालकको मृत्यु
काठमाडौं ३ वैशाख । खोलामा डुब्दा एक बालकको मृत्यु भएको छ। कमलामाई नगरपालिका ४ र ६ जोड्ने ग्वाङ खोलामा पक्की पुल निर्माणको लागी खनिएको खाल्डोमा जमेको पानीमा डुब्दा फिक्कल गाउँपालिका १ का प्रकाह भुजेलका वर्ष १२ का छोरा सृयास भुजेलको मृत्यु भएको हो।
आज साथीहरुसंग खोलामा पौडी खेल्ने क्रममा खोलाको गहिरो दहमा डुबेर उनको मृत्यु भएको प्रहरीले जनाएको छ। पौडी खेल्नेक्रममा डुबेपछि साथीहरुले अभिभावकलाई खबर गरेका थिए।
स्थानीयले लामो समयपछिको प्रयासमा बालकलाई निकालेपनि उनको मृत्यु भएको थियो। मृतक भुजेल सदरमुकामस्थित जनता आबासिय माबि रातमाटामा कक्षा ४ मा अध्ययनरत थिए।
