फेरि बढ्यो सुनको भाउ
काठमाडौं ५ वैशाख । सुनचाँदी बजारमा आज छापावाल सुनको मूल्य प्रतितोला ५०० ले बढेर एक लाख दुई हजार ५०० तोकिएको छ। सुनको मूल्य अघिल्लो दिन प्रतितोला एक लाख दुई हजारमा कारोबार भएको थियो।
नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला एक लाख दुई हजार छ। यसको मूल्य अघिल्लो दिन प्रतितोला एक लाख एक हजार ५०० थियो। त्यस्तै, आज चाँदीको मूल्य अघिल्लो कारोबार मूल्यका तुलनामा प्रतितोला पाँच ले बढेर एक हजार ४२० पुगेको महासङ्घले जनाएको छ।
