विमानस्थलबाट सुन र मोबाइलसहित दुई जनालाई पक्राउ
काठमाडौं ११ वैशाख । प्रहरीले त्रिभुवन अन्तर्राष्ट्रिय विमानस्थलबाट सुन र मोबाइलसहित दुई जनालाई पक्राउ गरेको छ।
प्रहरीले आज विमानस्थलको आगमन टनेल गेटबाट रोल्पाको त्रिवेणी गाउँपालिका ३ का खिमराज डाँगी र दाङको तुल्सीपुर उपमहानगरपालिका६ का प्रताप चौधरीलाई पक्राउ गरेको हो।
दुबईबाट हिमालयन एयरमार्फत् काठमाडौं आएका डाँगीबाट प्रहरीले २ लाख ९० हजार बराबरको दुई वटा आइफोन बरामद गरेको छ।
त्यस्तै, उनको साथबाट २ लाख १६ हजार २६२ रुपैयाँ बराबरको सुनको बेरूवा औंठी पनि बरामद भएको प्रहरीले जनाएको छ।
