स्थानीय तह निर्वाचनका लागि देशभर १० हजार ५३३ जनाको उम्मेदवारी

काठमाडौँ ११ वैशाख । स्थानीय तह निर्वाचनका लागि आज साँझ ८ बजेसम्म देशभर १० हजार ५३३ जनाले उम्मेदवारी दिएका छन् । निर्वाचन आयोगका प्रवक्ता शालिग्राम पौडैलका अनुसार पालिका अध्यक्ष र प्रमुखमा ९८७, उपाध्यक्ष र उपप्रमुखमा ५०८ जनाको उम्मेदवारी परेको छ ।
वडाध्यक्षमा २९२१, वडा सदस्यमा ३३३८, महिला सदस्यमा १५७६, दलित महिला सदस्यमा १२०३ जनाको उम्मेदवारी परेको प्रवक्ता पौडेलले जानकारी दिएका छन । उम्मेदवारी दिनेमध्ये ३५०६ जना महिला छन् ।
आयोगले मनोनयन दर्ताका लागि भोली साँझ ५ बजे अन्तिम समय निर्धारण गरेको छ ।