भिरबाट लडेर एकको मृत्यु
काठमाडौं १८ वैशाख । निसीखोला गाउँपालिका ४ का ५१ वर्षीय डिलमणि थापाको मृत्यु भएको प्रहरी निरीक्षक राजाराम खड्काले जानकारी दिएका छन।
उनका अनुसार आइतबार थापाको निसीखोला भिरबाट लडेर मृत्यु भएको हो।
प्रहरीका अनुसार घरायासी कामका लागि बाँस खोज्न घरदेखि एक किलोमिटर टाढाको जंगलमा पुगेका थापा बाँस लिएर फर्किने क्रममा भिरबाट लडेका हुन्।
उनलाई तत्काल उद्धार गरेर स्थानीय नवजीवन मेडिकल लगिएको थियो। उनको उपचारको क्रममा मृत्यु भएको प्रहरी निरीक्षक खड्काले बताए।
