कांग्रेसका सभापति शेरबहादुर देउवा विराटनगमा
काठमाडौं २१ वैशाख । प्रधानमन्त्रीसमेत रहेका नेपाली कांग्रेसका सभापति शेरबहादुर देउवा विराटनगर पुगेका छन्।
कांग्रेसले आयोजना गरेको चुनावी सभालाई सम्बोधन गर्न देउवा आज विराटनगर गएका हुन्।
कांग्रेसले आजदेखि स्थानीय चुनाव केन्द्रित सभाहरू सुरू गर्न लागेको छ। विराटनगरबाट सुरू भएको सभा वैशाख २७ मा डडेल्धुरा पुगेर सकिनेछ।
आज विराटनगरमा नेता रामचन्द्र पौडेल र महामन्त्री विश्वप्रकाश शर्मालगायतले पनि सम्बोधन गर्ने कार्यक्रम छ। विराटनगर महानगरमा सत्तागठबन्धनबाट कांग्रेसका नागेश कोइराला मेयर उम्मेदवार छन्।
