पहिरोमा पुरिँदा दुई बालकको मृत्यु
काठमाडौं २१ वैशाख । जुम्लामा पहिरोमा पुरिँदा दुई जना तीन वर्षीय बालकको मृत्यु भएको छ।
आज दिउँसो २ बजे तिला गाउँपालिका(२ स्थित रणबहादुर बोहराको घर बनाउँदै गरेको ठाउँमा पहिरो गएको जिल्ला प्रहरी कार्यालयका प्रहरी नायब उपरीक्षक नरेन्द्र चन्दले जानकारी दिए।
पहिरोले पुर्दा उनकै तीन वर्षीय छोरा शिशिर चन्द र दलबहादुर राउतका छोरा हिमेशको मृत्यु भएको हो।
प्रहरी नायब उपरीक्षक चन्दका अनुसार घरको जग खन्ने काम भइरहेको थियो। तल दुई जना बालक खेल्दै गर्दा माथिबाट पहिरो खसेको हो।
