सप्तरीमा ट्र्याक्टर पल्टिँदा एक युवकको मृत्यु
काठमाडौं २५ वैशाख । सप्तरीको बोदेबर्साइन नगरपालिका–७ मानराजामा ट्र्याक्टर पल्टिँदा एक युवकको ज्यान गएको छ।
आज बिहान भएको दुर्घटनामा एक स्थानी युवकको मृत्यु भएको प्रहरीको भनाइ छ।मृत्यु हुनेमा स्थानीयवासी राजीन पौदारका १९ वर्षीय छोरा शिवकुमार पौदार रहेको प्रहरीले जनाएको छ।
सोही ठाउँको (केराबारी)मा माटो लिएर फर्किँदै गरेको अवस्थामा प्रदेश २–०१–००१त २००१ नम्बरको ट्र्याक्टर पल्टिएर उनको घटनास्थलमै मृत्यु भएको स्थानीयवासी उमेश साहले जानकारी दिएका छन ।
