मतदानको निर्धारित समय सकिए पनि मतदान जारी
काठमाडौं ३० वैशाख । निर्वाचन आयोगले मतदानका लागि तोकेको समय सकिएको छ। आयोगले आज बिहान ७ बजेदेखि अपराह्न ५ बजेसम्मका लागि मतदानको समय निर्धारण गरेको थियो।
तर आयोगले मतदान केन्द्रमा लाइनमा बसेका मतदाताले भने मत दिन पाउने बताएको छ। दिउँसो अवरोध भएका वा मौसमका कारणले मतदान केही समयपछिसम्म जारी रहने सम्भावना छ।
अपरान्ह ४ बजेसम्म ५५ प्रतिशत मतदान भएको आयोगको भनाइ छ।
