काठमाडौं महानगरपालिकाको मतगणना आजै रातिबाट हुने
वैशाख,३० काठमडौं । सर्वदलीय/सर्वपक्षीय बैठकमा सहमति भए काठमाडौं महानगरपालिकाको मतगणना आजै रातिबाट हुने भएको छ ।
काठमाडौंको जिल्ला निर्वाचन अधिकारी ठाकुरप्रसाद भट्टराईका अनुसार सबै मतपत्रसहितको पेटिका आएपछि सर्वदलीय बैठक हुनेछ । सर्वदलीय बैठकले सहमति गरेमा रातिबाटै मतगणना सुरू हुनसक्ने उनले बताए ।
काठमाडौं महानगरपालिकाको मतगणना राष्ट्रिय सभागृहमा हुने भएको छ । भट्टराईका अनुसार सभागृहमा धमाधम मतदान स्थलहरुबाट मतपत्रसहितको बाकस आउनेक्रम जारी छ ।
सर्वदलीय/सर्वपक्षीय बैठकले निर्णय गरेमा काठमडौं जिल्लाका सबै पालिकाको आजै रातिदेखि मतगणना गर्ने तयारी छ ।
