Yeti Khabar

२०८१ चैत्र २३, शनिबार - Sat Apr, 2025 -

पोखरा महानगरको मतगणना शुरू

काठमाडौं ३१ वैशाख । पोखरा महानगरको मतगणना सुरू भएको छ। मतगणना तयारीका लागि आज दिउँसो बसेको सर्वदलीय बैठकले २ बजेदेखि मतगणना शुरू गर्ने निर्णय गरे पनि ढिला गरी मतगणना थालिएको हो।

साना दलका प्रतिनिधि मतगणनामा आउन ढिलाई गरेकाले निर्धारित समयभन्दा ढिलो शुरू भएको निर्वाचन कार्यालयले जनाएको छ।
पोखरा उपत्यका नगर विकास समितिको कार्यालयमा रहेको मुख्य निर्वाचन अधिकृतको कार्यालय र जिल्ला समन्वय समितिको सभाहलमा मत गणना थालिएको छ।

पोखरा महानगरको वडा नम्बर १, १२, र २३ को मत गणना थालिएको मुख्य निर्वाचन कार्यालयका अधिकृत निलप्रसाद पनेरुले जानकारी दिए।
देशकै ठूलो पोखरा महानगरमा नयाँ जनप्रतिनिधि चुन्न शुक्रबार भएको मतदानमा १ लाख ४३ हजार २१३ मत खसेको थियो।
पोखरामा कुल २ लाख ७ हजार मतदाता छन्। पोखराको मेयरमा सत्तारुढ गठबन्धनबाट धनराज आचार्य, उपमेयरमा कोपिला रानाभाट, नेकपा एमालेबाट मेयरमा कृष्ण थापा र उपमेयरमा मञ्जुदेवी गुरुङ उम्मेदवार छन् भने स्वतन्त्रबाट मेयरमा गनेस पौडेल लगायत उम्मेदवार छन्।

Company Information

यती मिडिया प्रा.लि.(Yati Media Pvt. Ltd.)
अध्यक्ष: मोतिसरा खड्का
सम्पादक: डम्बर विक्रम कार्की
सह सम्पादक: खड्ग बहादुर रम्तेल
कानुनी सल्लाहकार: राम नारायण विडारी (वरिष्ठ अधिवक्ता)
सुचना तथा प्रसारण विभाग दर्ता नं
3193-2078/2079
कम्पनी दर्ता नं: 283675/078/079
प्यान नं: 610213157

Contact Information

Yati Media Pvt. Ltd.
Putali Galli, Kalanki, Kathmandu

01 5315254, 9851100556
info@yetikhabar.com
www.yetikhabar.com