सांसद यज्ञराज सुनुवारको गृहपालिकामा एमाले पछाडि
काठमाडौं ३१ वैशाख । ओखलढुंगाको मोलुङ गाउँपालिकामा जारी मत गणनामा एमाले उम्मेदवारलाई निकै पछि पार्दै नेपाली काँग्रेसका उम्मेदवारले अग्रता बढाएका छन् ।
वडानम्बर २ को १२ सय मत गन्दा काँग्रेसका पालिका अध्यक्षका उम्मेदवार राजन दाहालले ७१२ मत पाउँदा एमालेका उम्मेदवार उत्तम राईले ३३४ मतमात्र पाएका छन् । पालिकामा पाँच जना अध्यक्षका प्रत्यासीमा राप्रपाको अध्यक्षका उम्मेदवारले ३९ र माओवादीका उम्मेदवारले ६ मत पाएका छन् ।
नेकपा समाजवादीले भने अहिलेसम्मको गणनामा एकमत मात्रै पाएको छ । त्यसैगरी उपाध्यक्षतर्फ माओवादी उम्मेदवारले ४२६ मत पाउँदा एमालेका उम्मेदवारले ४२६ मत पाएका छन् ।
