माछापुच्छ्रे गाउँपालिकामा अध्यक्ष र उपाध्यक्ष दुवै पदमा नेपाली कांग्रेस विजयी
जेठ, २ काठमाण्डौ । कास्कीको माछापुच्छ्रे गाउँपालिकामा अध्यक्ष र उपाध्यक्ष दुवै पदमा नेपाली कांग्रेस विजयी भएको छ । अध्यक्षमा कांग्रेसका मिनबहादुर गुरुङ र उपाध्यक्षमा सीता अधिकारी विजयी भएका हुन् ।
मिनबहादुरले नेकपा एमालेका विक्रम गुरुङलाई ४८२ मतान्तरसहित पराजित गरेका हुन् । मिनबहादुरले ७ हजार ९९ मत ल्याउँदा विक्रमले ६ हजार ६१७ मत पाए ।
उपाध्यक्षमा कांग्रेसकै सीता अधिकारीले ६ हजार ३७६ मतसहित विजयी भएकी छन् । उनका निकटम् प्रतिद्वन्द्वी नेकपा एमालेकी सीता तिवारीले ५ हजार ९५१ मत ल्याएकी छन् ।
