आमचोक गाउँपालिकामा नेकपा माओवादी केन्द्र विजयी
जेठ,२ काठमाडौं । भोजपुरको आमचोक गाउँपालिकामा नेकपा माओवादी केन्द्र विजयी भएको छ । माओवादीका अशोक राई ३ हजार ६८५ मत सहित अध्यक्ष पदमा पुनः विजयी भए । नेकपा एमालेका बसन्त राई ३ हजार २५८ मत ल्याएर अध्यक्षमा पराजित भए ।
उपाध्यक्षमा माओवादीकै सिता राई ३ हजार ५९१ मतसहित विजयी भइन् । नेपाली कांग्रेसका छिरिङ शेर्पा ३ हजार १८० मतसहित पराजित भए ।
अध्यक्ष र उपाध्यक्ष दुबैमा माओवादी केन्द्रले बाजी मार्यो । निर्वाचित दुबै जना यसअघि पनि गाउँपालिकाको अध्यक्ष र उपाध्यक्ष थिए ।
