चिशंखुगढी गाउँपालिकाको अध्यक्षमा गठबन्धनतर्फका उम्मेदवार नेकपा माओवादी केन्द्रका निशान्त शर्मा निर्वाचित
जेठ , २ काठमाण्डौ ।ओखलढुंगा चिशंखुगढी गाउँपालिकाको अध्यक्षमा गठबन्धनतर्फका उम्मेदवार नेकपा माओवादी केन्द्रका निशान्त शर्मा निर्वाचित भएका छन् । निकटतम् प्रतिद्वन्दी नेकपा एमालेका उम्मेदवार अशोक थापालाई ५०७ मतले पछि पार्दै शर्मा अध्यक्षमा विजयी भएका हुन् ।
गठबन्धनकै तर्फबाट नेपाली कांग्रेसका उपाध्यक्षका उम्मेदवार सन्तोषबाबु थापा विजयी भएका छन् । नेकपा एमालेको तर्फबाट उपाध्यक्षकी उम्मेदवार सुस्मिका राईलाई एक हजार ६६ मतले पछि पार्दै थापा निर्वाचित भएका हुन् ।
थापाले तीन हजार ११६ र राईले दुई हजार ५० मत प्राप्त गरेका छन् । चिशंखुगढी गाउँपालिकामा कांग्रेस र माओवादी केन्द्रले तालमेल गरेका थिए ।
