ठुलो भेरी नगरपालिकामा नेपाली काँग्रेस विजयी
काठमाडौं २ जेठ ।डोल्पाको ठुलो भेरी नगरपालिकामा नेपाली काँग्रेसले जितेको छ । काँग्रेसका स्वर्णबहादुर बुढाले प्रमुखमा १ हजार २८६ भोट ल्याएर विजयी भएका छन् । उनका निकटतम प्रतिद्वन्द्वी नेकपा एकीकृत समाजवादीका कर्णबहादुर रोकाया ९४५ भोट पाएका छन् । उपप्रमुखमा पनि काँग्रेसकै छिरिङ टोल्मा महतले ८४८ मत ल्याएर विजयी भएकी छन् ।
उनका प्रतिद्वन्द्वी राप्रपाका निर्मलकुमार भण्डारीले ६८६ भोट ल्याएर पराजित भएको त्यहाँका निर्वाचन अधिकृत केशवराज चपाइँले बताए ।
