गठबन्धनबाट माओवादी केन्द्रका दिनेश अधिकारी निर्वाचित

जेठ,४ काठमाडौं । सिन्धुलीको दुधौली नगरपालिकामा सत्ता गठबन्धनबाट माओवादी केन्द्रका दिनेश अधिकारी दनुवार मेयर पदमा निर्वाचित भएका छन्।
यस्तै उपमेयरमा कांग्रेसका चन्द्रकिशोर थारु निर्वाचित भएका छन्। मेयरमा निर्वाचित अधिकारी दनुवारले १५८३८ मत पाउ“दा निकटतम प्रतिस्पर्धी एमालेका लक्ष्मण कार्कीले १०६५२ मत पाएका थिए।
निर्वाचित अधिकारी दनुवार ०७४ मा एमालेसंग झिनो मतान्तरले पराजित भएका थिए। उपमेयरमा कांग्रेसका थारुले १४ हजार २ सय १३ मत प्राप्त गर्दा एमालेकी बालकुमारी अधिकारी दनुवारले १० हजार ६ सय ११ मत पाइन्।