राजेशमानलाई ८,३४५ मतको अग्रता
५ जेठ,काठमाडौं । वीरगञ्ज महानगरपालिकाको मेयरका उम्मेदवार जनता समाज पार्टी (जसपा) का राजेशमान सिंहले फराकिलो अग्रतालाई कायमै राखेका छन् । नेकपा एमालेका विजयकुमार सरावगी भन्दा सिंहले ८ हजार ३४५ मत बढी ल्याएर अग्रतालाई कायमै राखेका हुन् ।
१२ वटा वडाको ३१ हजार ७०१ मत गणना हुँदा सिंहले १७ हजार २ मत ल्याएका छन् भने सरावगीले ८ हजार ६५७ मत ल्याएका छन् ।
उपमेयरमा नेपाली कांग्रेसका इम्तियाज आलमले १२ हजार १४८ मत ल्याएका छन् भने लोकतान्त्रिक समाजवादी पार्टी (लोसपा) का पुरुषोत्तमलाल झाले २ हजार ४८१ मत ल्याएका छन् ।
