मतगणना सुरू गर्न माग गर्दै एमालेले गर्यो प्रदर्शन

जेठ,५ काठमाडौं । निर्वाचन सम्पन्न भएको छ दिन बितिसक्दा पनि मतगणना सुरू नभएको भन्दै नेकपा एमालेले उदपयपुरको त्रियुगा नगरपालिकामा प्रदर्शन गरेकोछ।
आज सदरमुकाम गाईघाटस्थित निर्वाचन कार्यालय अगाडि मतगणना सुरू गर्न माग गर्दै एमालेले प्रदर्शन गरेको हो।
गत शुक्रबार त्रियुगा नगरपालिकाको वडा नम्बर १२ मा मतदान हुँदै गर्दा विवाद उत्पन्न हुँदा मतदान स्थगित गरेको थियो। तर पटकपटक सर्वदलीय बैठक बसेपनि सहमति जुट्न नसक्दा मतगणना सुरु हुन सकेको छैन।
अहिले उक्त विषयलाई लिएर एमाले र कांग्रेसले यथास्थितिमा मतगणना सुरू गर्नुपर्ने धारणा राखेका छन् भने एकीकृत समाजवादी लगायत दलको उक्त वडामा पुनः मतदान हुनुपर्ने अडान रहेको छ।