महिला मेयर हेटौंडामा गठबन्धनको जित
काठमाडौं ६ जेठ । देशभर भएका ११ वटा उपमहानगरमध्ये पहिलो पटक नेतृत्वमा महिला मेयर पाएको छ ।
हेटौंडा उपमहानगरपालिकाले महिला मेयर जिताएको हो । एकीकृत समाजवादीकी उम्मेदवार मिना लामा उपमहानगरको मेयरमा विजयी भएकी हुन् । उनको निकटतम प्रतिद्वन्द्वीका रुपमा रहेका राप्रपाका दीपक सिंह पराजित भएका हुन् ।
लामाले झन्डै ३ हजार मतान्तरको अग्रता लिएर विजयी भएकी हुन् । उनको गणना गर्न बाँकी रहेको मत भन्दा अग्रता लिएको मत धेरै भएकाले जित सुनिश्चित भएको हो ।
