हर्क साम्पाङले फराकिलो पारे मतान्तर
जेठ, ७ काठमाडौं । सुनसरीको धरान उपमहानगरपालिकाको मेयरमा स्वतन्त्र उम्मेदवार हर्क साम्पाङले दोस्रो नम्बरमा रहेका नेपाली कांग्रेसका किशोर राईसँगको मतान्तर फराकिलो पार्दै लगेका छन्।
आज साँझसम्म गणना भएको ४९ हजार ३ सय ९६ मतमध्ये साम्पाङले १५ हजार ६४१ मत पाएका छन् भने सत्ता गठबन्धनबाट उम्मेदवार बनेका राईले १२ हजार ७२४ मत पाएका छन्।
निवर्तमान उपमेयरसमेत रहेकी एमालेकी मन्जु भण्डारीले १० हजार ३६१ मत ल्याएकी छन्।
उपमेयरमा गठबन्धनका तर्फबाट उम्मेदवार बनेका माओवादी केन्द्रका अइन्द्रविक्रम बेघाले १५ हजार ४७१ मत पाएका छन् भने एमालेका पदमप्रसाद लिम्बुले १४ हजार ८८ मत पाएका छन्।
।
