स्थानीय तह निर्वाचन २०७९ को अन्तिम मत परिणाम आउनेक्रम जारी
७५३ रहेको पालिकामा हालसम्म ७२६ पालिकाको अन्तिम नतिजा आइसकेको छ। ६ महानगरमध्ये विराटनगर महानगरपालिकाको नतिजा आइसकेको छ। बाँकी ५ महानगर बाँकी छ।
काठमाडौं महानगरपालिका, ललितपुर महानगरपालिका, भरतपुर महानगरपालिका, वीरगन्ज महानगरपालिका र पोखरा महानगरपालिकामा अब अन्तिम मतपरिणाम आउन बाँकी छ।
ललितपुर, पोखरा, भरतपुर र वीरगन्जमा सत्ता गठबन्धनकै उम्मेदवार अगाडि हुँदा काठमाडौंमा स्वतन्त्र उम्मेदवारले अग्रता बढाइरहेका छन्।
११ उपमहानगरमध्ये ९ वटाको अन्तिम नतिजा आइसकेको छ। अब धनुषाको जनकपुरधाम र दाङको तुलसीपुर उपमहानगरमा अन्तिम नतिजा आउन बाँकी छ।
जनकपुरमा स्वतन्त्र उम्मेदवार अगाडि हुँदा तुलसीपुरमा एमालेका उम्मेदवारको अग्रता छ।
