कपिलवस्तुमा बसको ठक्करबाट साइकलयात्रीको मृत्यु
जेठ, १४ काठमाडौं । पूर्व पश्चिम राजमार्ग अन्तर्गत कपिलवस्तुको गोरुसिंगे(बनगाई सडक खण्ड अन्तर्गत खारखानीमा आज बसले ठक्कर दिँदा युवकको ज्यान गएको छ। धनगढीबाट नारायणगढतर्फ जाँदै गरेको ना ५ प ७७५ नं को बसको ठक्करबाट साइकलमा सवार कपिलवस्तु नगरपालिका ९ जग्दिशपुरका अशोक चौधरीको ज्यान गएको जिल्ला ट्राफिक प्रहरी कार्यालय गोरुसिंगेले जानकारी दिएको छ।
सडक किनारमा बिग्रेर रोकिराखेको टिप्परलाई ओभरट्याक गर्ने क्रममा बसले ठक्कर दिएको छ। बसको ठक्करबाट घाइते भएका चौधरीलाई उपचारका लागि तौलिहवा अस्पतालमा लैजाने क्रममा ज्यान गएको हो।
