सुरुङमार्ग विकास कार्यक्रमतर्फ १ अर्ब १९ करोड रुपैयाँ विनियोजन
जेठ, १५ काठमाडौँ । काठमाडौं उपत्यकाको सवारी चापलाई व्यवस्थापन गर्न चक्रपथ विस्तार आयोजना अन्तर्गत कलंकी– नारायण गोपालचोक सडक विस्तारका लागि १ अर्ब रुपैयाँ विनियोजन गरिएको छ ।
आगामी आर्थिक वर्षमा अरनिको राजमार्गअन्तर्गत सूर्यविनायक–धुलिखेल सडक चार लेनमा विस्तार तथा स्तरोन्नतिको काम सुरु गरिने बजेटमा उल्लेख छ ।
उपत्यकामा सञ्चालनमा रहेका सडक योजनालाई सम्पन्न गरिने अर्थमन्त्री जर्नादन शर्माले बताए । काठमाडौंको ग्वार्को–सातदोबाटो–एकान्तकुनामा फ्लाई ओभर र कोटेश्वर तथा नयाँबानेश्वरमा अन्डरपास निर्माण गरिने उनले घोषणा गरे ।
अर्थमन्त्री शर्माले आगामी आर्थिक वर्षका लागि बजेट प्रस्तुत गर्दै सुरुङमार्ग विकास कार्यक्रमतर्फ १ अर्ब १९ करोड रुपैयाँ विनियोजन गरिएको बताए ।
