१८ वर्षिय मोडल सरस्वतीले गरिन् आत्महत्या
केही दिनयता बंगाली मोडल तथा अभिनेत्रीका निधनको खबर लगातार सार्वजनिक भइरहेका छन् । यस्तैमा १८ वर्षिय मोडल सरस्वती दासले पनि आत्महत्या गरेकी छन् ।
उनलाई उनकी हजुरआमाले आइतबार कोठामा झुन्डिएको अवस्थामा भेटाएकी हुन् । हजुरआमाले सहयोगीका मद्दतले उनलाई तुरुन्तै सीइनएमसी अस्पताल पुर्याएकी थिइन् । अस्पताल पुर्याउनु पहिले नै उनको निधन भएको बताइन्छ ।
पुलिस अधिकारीले यो घटनाको अनुसन्धान गरिरहेका छन् । प्रारम्भिक अनुसन्धानमा आत्महत्या देखिएको छ । तर अहिलेसम्म सुसाइट नोट भेटिएको छैन । सरस्वतीका आफन्तले पुलिस अधिकारीलाई उनी कोठाको पङ्खामा झुन्डिएको अवस्थामा भेटिएको जानकारी दिएका थिए । एजेन्सी
