थप १५ जनामा कोरोना भाइरस संक्रमण पुष्टि
पछिल्लो २४ घन्टामा देशभर थप १५ जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार आज १५ जनामा संक्रमण पुष्टि भएको हो।
चार हजार ८ सय ४२ जनाको कोरोना परीक्षण गर्दा उक्त संख्यामा संक्रमित थपिएका हुन्।
तीन हजार नौ सय २९ जनाको पिसिआर र ९ सय १३ जनाको एन्टिजेन परीक्षण गरिएको थियो। यस्तै ११ जना कोरोनामुक्त भएका छन्।
अहिले देशभर ९८ सक्रिय संक्रमित छन्।
