मोटरसाइकल अनियन्त्रित हुँदा एक युवकको मृत्यु
जेठ, २३ काठमाडौं । मोटरसाइकल अनियन्त्रित हुँदा भएको दुर्घटनामा परेर मोरङको रतुवामाईमा एक युवकको मृत्यु भएको छ।
रतुवामाई १ मा पर्ने आमबारी–कुटुमगञ्ज सडकखण्डमा आइतबार साँझ दुर्घटना हुँदा मोटरसाइकल चालक २५ वर्षका राजकुमार शर्माको मृत्यु भएको मोरङ प्रहरीले जनाएको छ।
प्रहरीका अनुसार मोरङ सुनवर्षी ९ का शर्मा भारत अररियाका किसनकुमार कामतलाई मोटरसाइकलमा राखेर उत्तरबाट दक्षिणतर्फ जाँदै थिए।
तीव्र गतिमा रहेको मे ४ प ४५५१ नम्बरको मोटरसाइकल अनियन्त्रित भएर दुर्घटनामा परेको थियो।
गम्भीर घाइते शर्मालाई उपचारका लागि रङ्गेली अस्पताल लगिएकोमा चिकित्सकहरूले मृत घोषणा गरेका थिए।
