थप २८ जनामा कोरोना भाइरस संक्रमण पुष्टि
जेठ, २४ काठमाडौं । पछिल्लो २४ घन्टामा देशभर थप २८ जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार आज २८ जनामा संक्रमण पुष्टि भएको हो।
३ हजार ३७६ जनाको कोरोना परीक्षण गर्दा उक्त संख्यामा संक्रमित थपिएका हुन्।
दुई हजार १२० जनाको पिसिआर र एक हजार २५६ जनाको एन्टिजेन परीक्षण गरिएको थियो। अहिले देशभर १०७ जना सक्रिय संक्रमित छन्।
