२६० ग्राम सुनसहित ३ जना यात्रु पक्राउ
जेठ, २८ काठमाडौं । कुवेतबाट लुकाएर ल्याइएको २६० ग्राम सुनसहित ३ जना यात्रु पक्राउ परेका छन् । त्रिभुवन अन्तर्राष्ट्रिय भन्सार कार्यालयले जजिरा एयरलाइन्स हुँदै काठमाडौँ आएका ३ जना यात्रुबाट २६० ग्राम सुनसहित आज पक्राउ गरेको हो ।
कार्यालयले प्रकाश दनुवार, भुमाकुमार माझी र सरोज मोचीलाई आज पक्राउ गरेको जानकारी दिएको छ । उनीहरूले पाइन्टको भित्री भागमा सुन लुकाएर बाहिरबाट सिलाएका थिए । विमानस्थलमा ओर्लेपछि चेकजाँच गर्ने क्रममा सुन भेटिएपछि थप अनुसन्धानका लागि पक्राउ गरेको विमानस्थल भन्सार प्रमुख महेश भट्टराईले जानकारी दिए ।
