पब्लिसिटीले बढायो ‘चिसो मान्छे’ मा दर्शक

असार, ४ काठमाडौं । देशभर एकसाथ प्रदर्शनमा आएको फिल्मले हिजो भन्दा आज राम्रो दर्शक पाउन सफल भएको छ । फिल्मले आज देशभरको हलमा प्रायः हाउस फुलको ब्यवसाय गरेको निर्देशक दीपेन्द्र के खनालले बताए ।
‘फिल्म जतिले हेरेका छन् । राम्रो प्रतिक्रिया दिएका छन्’ निर्देशक खनालले भने, ‘हिजो फिल्म हेर्ने दर्शकको राम्रो प्रतिक्रिया र माउथ पब्लिसिटीका कारण आज राम्रो दर्शक पाएको छ ।’ आज केही हलमा शो पनि बढाएको बताएका खनालले भोलीबाट झन् फिल्मका दर्शक बढ्ने अनुमान लगाए ।

स्वस्तिमा खड्का, अर्पण थापा, देशभक्त खनालको मुख्य भूमिका रहेको फिल्ममा अशान्त शर्मा, झकेन बीसी, प्रभाकर न्यौपाने, रामबाबु रेग्मी, संयोग रसाइली, पुष्पा अवस्थी, सृष्टि आचार्य, विकास खनाल लगायतको अभिनय देख्न सकिन्छ । फिल्मको कथा, पटकथा, संवाद तथा छायाङ्कन निर्देशक खनाल स्वयंले लेखेका हुन् । फिल्म दीर्घ खड्काले सम्पादन गरेका हुन् ।