पारिश्रमिक नपाएको भन्दै पत्रकारहरू आन्दोलनमा

असार, ७ काठमाडौं । रुकुम पश्चिममा पारिश्रमिक नपाएको भन्दै पत्रकारहरू आन्दोलित भएका छन् । जिल्लाको आठबीसकोट नगरपालिकाबाट सञ्चालनमा रहेको रेडियो नयाँ नेपालले पारिश्रमिक नदिएको भन्दै पत्रकारहरू श्रमजीवी-पत्रकार संघ र नेपाल संघर्ष समितिको नाममा आन्दोलित भएका हुन् ।
पहिलो चरणको आन्दोलन अन्तरगत आज विरोध र्याली निकालिएको हो । नगरपालिकाको राडी बजारमा पिडित पत्रकारहरुले र्याली निकालेका हुन् । श्रमजीवी-पत्रकार संघ, नेपालको अगुवाइमा भएको आन्दोलनमा नेपाल पत्रकार महासंघ र विभिन्न पत्रकार संघ संगठनहरुले पनि ऐक्यवद्धता जनाएका छन् । विरोध र्यालीमा पिडित पत्रकारसहित जिल्लास्थित अन्य पत्रकारहरुको सहभागिता रहेको थियो । राडी बजार परिक्रममा गरेर र्याली रेडियो नयाँ नेपाल अगाडि पुगेर कार्यक्रममा परिणत भएको थियो ।