शंखरापुरमा टिपरको ठक्करबाट एक जनाको मृत्यु
काठमाडौंको शंखरापुरमा टिपरको ठक्करबाट एक जनाको मृत्यु भएको छ।
गएराति ९ बजे शंखरापुर नगरपालिका-१ देउराली भञ्ज्याङमा टिपरले ठक्कर दिँदा एक पैदलयात्री महिलाको मृत्यु भएको हो।
प्रदेश ३ ०१-००६ ख ३४७४ नम्बरको टिपरले सिन्धुपाल्चोकको मेलम्ची नगरपालिका-१३ फटकसिला घर भएकी ३९ वर्षीया लिलामाई दनुवारको मृत्यु भएको हो।
टिपरले ठक्कर दिएपछि चालक फरार भएका थिए। उनलाई इलाका प्रहरी कार्यालय मेलम्चीको टोलीले पक्राउ गरेको छ।
