झापाको खेतमा हात्ती मृत अवस्थामा फेला
असार, १७ काठमाडौं । झापाको एक खेतमा हात्ती मृत अवस्थामा फेला परेको छ।
बुद्धशान्ति गाउँपालिका वडा नम्बर ५ आयाबारीस्थित मीना कार्कीको घर पछाडी खेतमा हात्ती मृत अवस्थामा फेला परेको छ।
हात्ती के कारणले मरेको हो भन्ने खुलेको छैन। खेतमा हात्ती लडिरहेको देखेपछि स्थानीयले प्रहरीलाई खबर गरेका थिए।
स्थानीय तीर्थ तिम्सिनाले हात्ती के कारणले मरेको हो भन्ने विज्ञहरू आएपछि मात्रै थाहा हुने बताए।
स्थानीय, वन कार्यालयका कर्मचारी तथा रक्षकले मृत हात्तीलाई घेरा हालेर बसेका छन्।
हात्तीको दाह्रा, सुढ, पुच्छर र खुर सुरक्षित छ। स्थानीयका अनुसार मृत हात्तीको शरीरमा कुनै पनि चोटपटक छैन।
