उडिरहेको जहाजमा चुरोट सल्काउने एक व्यक्ति पक्राउ
असार, २९ काठमाडौं । उडिरहेको जहाजमा चुरोट सल्काउने कैलालीको टीकापुरका एक व्यक्ति पक्राउ परेका छन्। टीकापुर नगरपालिका ११ बस्ने २९ वर्षीय नारायण उपाध्यायलाई जिल्ला प्रहरी कार्यालय कैलालीले पक्राउ गरेको हो।
बुद्ध एयरको काठमाडौं–धनगढी उडानमा यात्रा गरिरहेका उपाध्यायले आज दिउँसो ३ बजे जहाज उडिरहेकै समयमा शौचालयमा पसेर चुरोट सल्काएको र यात्रुलाई समेत धम्की दिएको भन्दै बुद्ध एयरको धनगढी कार्यालयले निवेदन दिएपछि उनलाई पक्राउ गरिएको हो।
