मोटरसाइकलको ठक्करबाट पैदलयात्रीको मृत्यु
साउन,९ काठमाडौं । धनगढीमा मोटरसाइकलको ठक्करबाट एक जनाको मृत्यु भएको छ।
जिल्ला प्रहरी कार्यालय कैलालीका अनुसार मोटरसाइकलको ठक्करबाट धनगढी उपमहानगरपालिका-२ पुरानो भन्सार रोडमा सोहीका अन्दाजी ५५ वर्षीय नेत्रप्रसाद पन्तको मृत्यु भएको हो।
उनलाई धनगढी-३ का २२ वर्षीय सौजन खड्काले चलाएको से ३ प ९९० नम्बरको मोटरसाइकलले पैदल हिँडिरहेका पन्तलाई ठक्कर दिएको थियो।
घाइते पन्तको उपचारका क्रममा माया मेट्रो अस्पतालमा सोमबार साँझ मृत्यु भएको प्रहरीले जनाएको छ।
