साउन,२२ काठमाडौै ।रूकुम पश्चिममा अरिंगालले टोकेर घाइते भएका एक युवाको मृत्यु भएको छ।
जिल्लाको त्रिवेणी गाउँपालिका वडा नम्बर १ का ४० वर्षीय सुवर्ण विकको आइतबार थप उपचारका लागि बाँकेतर्फ लैजाँदै गर्दा बाटोमै मृत्यु भएको गाउँपालिका अध्यक्ष गणेश केसीले जानकारी दिए।

उनको झुल्नेटास्थित एक निजी स्वास्थ्य क्लिनिकमा उपचार हुँदै आएको थियो।
स्वास्थ्यमा सुधार नआएपछि सुनारलाई थप उपचारका आज नेपालगञ्जजतर्फ लैजाने क्रममा सल्यानको श्रीनगरमा मृत्यु भएको प्रहरीले जानकारी दिएको छ।

छिमेकी जिल्ला सल्यानमा अरिंगाल पोल्न गएका बिकलाई तीन दिन अगाडि अरिंगालले टोकेर घाइते भएका थिए।
अरिंगाल पोलेर भगाई त्यसका बच्चाको तरकारी वा अचार खाने चलन पहाडी भूभागमा छ।

बिक पनि साथीसँग त्यहीँ उद्धेश्यका साथ तीन दिन अगाडि अरिंगालको गोला पोल्न गएका थिए।
आगो झोसेपछि अरिंगाल खनिएर उनीलाई टोकेको र त्यसपछि उपचारका लागि स्थानीय मेडिलकमा भर्ना भएको अध्यक्ष केसीले जानकारी दिए।