६०० रुपैयाँले बढ्यो सुनको मुल्य
साउन,२४ काठमाडौं । साप्ताहिक कारोबारको तेस्रो दिन आज नेपाली बजारमा सुनको मूल्य बढेको छ। नेपाल सुनचाँदी व्यवसायी महासंघका अनुसार आज चाँदीको मूल्य पनि बढेको छ।
आज सुनको मूल्य तोलामा ६०० रुपैयाँले बढेको महासंघले जनाएको छ। यस्तै, चाँदीको मूल्य तोलामा ३५ रुपैयाँले बढेको छ।
आज छापावाल सुनको मूल्य प्रतितोला ९६ हजार ९०० र तेजाबी सुनको मूल्य प्रतितोला ९६ हजार ४०० रुपैयाँ कायम भएको छ।
मंगलबार चाँदीको मूल्य प्रतितोला १ हजार २४० रुपैयाँ कायम भएको छ। यसअघि सोमबार भने चाँदी १ हजार २०५ रुपैयाँ प्रतितोलामा कारोबार भएको थियो।
