आफ्नै घरको छतमा तरकारी टिप्न गएकी एक महिलाको छातीमा छड रोपिएर मृत्यु
भदौ, ७ काठमाडौं । आफ्नै घरको छतमा तरकारी टिप्न गएकी एक महिलाको छातीमा छड रोपिएर मृत्यु भएको छ।
रौतहटको कटहरिया नगरपालिका ५ बलिरामपुर गाउँकी एक महिलाको आफ्नै घरको छानामा रहेको पिलरको छड छातीमा रोपिएर मंगलबार मृत्यु भएको हो। घरको भुइँतल्ला निर्माण भएर बारीबाट घरको छतमा घिरौलाको लहरा लगेकी स्थानीय ३८ वर्षीय रुक्साना खातुनको घरको छतमा पिलर निर्माणको लागि छोडिएको छड छातिमा रोपिएर मृत्यु भएको हो।
घिरौलाको लहराले छपक्क छोपिइसकेको पिलरमा फलेको घिरौला टिप्न जाँदा चिप्लिएर छडमै लड्न पुगेपछि छातीमा छड रोपिन पुगेको प्रहरीको भनाइ छ। छातीमा छड रोपिएपछि महिलाको घटनास्थलमै मृत्यु भएको हो।
