माडीमा जीप खस्दा एक जना बेपत्ता
भदौ,१२ काठमाडौं । रोल्पाको माडी खोलामा जीप खस्दा एक जना बेपत्ता भएका छन् । एक जना घाइते भएका छन् ।
बेपत्ता हुनेमा जीप चालक नुवाकोट ककनी–३ का बुद्धिबहादुर लामा रहेका छन् भने बैतडी पाटनका मनोज चन्द घाइते भएका प्रहरीले जनाएको छ ।
घाइतेलाई थप उपचारको लागि लुम्बिनी प्रादेशिक अस्पताल बुटवल पठाइएको छ । रोल्पाको माडी गाउँपालिका–४ सिस्ने बजारबाट घर्तीगाउँका लागि छुटेको बा ७ च ५००२ नम्बरको जीप सडकबाट करिब एकसय मिटर तल माडी खोलामा खसेको हो ।
