एकनाले भरुवा बन्दुक सहित एकजना पक्राउ
भदौ,१२ काठमाडौं । प्रहरीले दाङको गढवा गाउँपालिका–७ स्थित ज्योती सामुदायिक वनबाट एकनाले भरुवा बन्दुक सहित एकजनालाई पक्राउ गरेको छ । पक्राउ पर्नेमा राजपुर गाउँपालिका–१ घर भएका ४२ वर्षीय रामबहादुर चौधरी छन् ।
आरोपीको साथबाट करिब १ सय ग्राम बारुद, ४ थान केप, १९ वटा फलामको गोली र १ सय २६ वटा फलामको छर्रा बरामद गरिएको जिल्ला प्रहरी कार्यालय दाङले जनाएको छ ।
