अरिङ्गालले चिलेर एक जनाको मृत्यु

भदौ,१३ काठमाडौं । ताप्लेजुङको पाथीभरा याङ्वरक गाउँपालिका-१ नाङ्खोल्याङमा अरिङ्गालले चिलेर एक जनाको ज्यान गएको छ ।
गएराति अरिङ्गाल झार्न गएका २८ वर्षीय खेमराज बर्देवाको अरिङ्गालले चिलेर ज्यान गएको जिल्ला प्रहरी प्रमुख डीएसपी कैलाश राईले जानकारी दिनुभयो ।
‘अरिङ्गाल बडरको रुखमा रहेछ । बडरको रुखमा चडेर अरिङ्गाल झार्न थालेपछि गोलो नै उहाँमाथि खनिएर टोक्दा रुखबाट तल झर्नुभएछ ।’ डीएसपी राईले भन्नुभयो ‘अरिङ्गालले चिलेर धेरैको ज्यान गएको छ, अब जनचेतनामूलक कार्यक्रम गर्नुपर्ने अवस्था देखिएको छ ।’