फन पार्कलाई २४ घण्टाभित्र राजस्व तिर्न अल्टिमेटम नतिरे सिलबन्दी गर्ने
भदौ,१५ काठमाडौं । काठमाण्डौ महानगरपालिकाले प्रदर्शनीमार्गमा रहेको काठमाण्डौ फन पार्कलाई २४ घण्टाभित्र राजस्व तिर्न अल्टिमेटम जारी गरेको हो ।
महानगरपालिकाको राजस्व विभागले आज विज्ञप्ति निकालेर २४ घण्टाभित्र व्यवसाय, बहाल, मनोरञ्जन र विज्ञापन कर तिर्ने समय दिएको छ । यदि २४ घण्टाभित्रमा महानगरलाई बुझाउनुपर्ने राजस्व नबुझाएमा फनपार्क सिलबन्दी गर्ने चेतावनी महानगरले दिएको छ । फन पार्कले सात वर्षदेखि कर नतिरेका कारण भोलि बेलुकासम्म बक्यौता कर नतिरे बन्द गर्ने चेतावनी दिएको महानगरको राजस्व विभागले जनाएको छ ।
समाज कल्याण परिषद्को स्वमित्वमा रहेको क्षेत्रमा काठमाण्डौ फन पार्क प्रालिले भाडामा भौतिक संरचनाहरू निर्माण गरेर खेल गतिविधि सञ्चालन गर्दै आएको छ ।
